Hesen Yûsif Mele Hisêno ke serranê 90an de mîyanê PDKyî de pêşmergetîye kerde dewa Girasorî ya Dêrikî ya Rojawanî ra yo.

Mele Hisên vano ey 5 serran Zaxo de pêşmergetîye kerde û vat: ''Dewleta tirke Sûrîye, Iraq û Vakurê Kurdîstanî de, Başûrê Kurdîstanî de wazena erdê ma îşxal bikera. Ganî ma nêverdê ke dewleta tirke nê erdî ser o way û birayanê ma bikişa.

Eke dewleta tirke pê teyarayan pêşmergeyan dana bombayan ver û pêşmergeyan şehîd kena pêşmergeyî zî ganî vera dewleta tirke wurzê payan ser. Dewleta tirke bax û baxçeyanê şarî dana bombayan ver. Eke keyeyê mi uca de bibîyêne aye do ez zî bikiştêne. Dewleta tirke pê bahaneya PKKyî şar bombarduman kena.''

Mele Hisênî ard ziwan ke ganî her kes vera îşxalê tirkan bibo yew û vat: ''Seba ke verê îşxalê dewleta tirke bêro girewtene ma bibê yew. Eke ma bibê yew kesêk nêeşkeno verê ma de vindero. Eke ma yew nêbê ê do her çi bikerê. Ganî mabênê ma û PKKyî de şerê birakûjî nêqewimîyo. PKK û pêşmergeyê kurdî way û bira yê. Eke ma bibê yew dewleta tirke nêeşkena verê ma bigêra.''