Wextê nezaretî yê HDPyîjan ame dergkerdene

Hemşaredarê HDPyî yê Amed û Yenîşehîrî zî tede wextê nezaretî yê 8 kesan seba 4 rojan ame dergkerdene.

Hemserekê HDPyî yê Amedî Zeyyat Ceylan û Hulya Alokmen Uyanik û Hemserekê HDPyî yê Yenîşehîrî Remzîye Sizici û Kasim Kaya û 4 kesê bînî çarçewa tehqîqatê Serdozgerîya Komare ya Amedî de 22ê teşrîna verêne de sereştişê bînayan de ameybî destbendkerdene. 8 kesî 4 rojan ra nata Mudirîya Polîsan a Amedî de nezaret de yê.

Vizêr 8 kesê ke nezaret de yê sewqê Edlîyeyê Amedî ameyî kerdene. Mehkemeya Cezaya Sulhe ya Nobetdare de wextê nezaretî yê destbendkerdeyan qasê 4 rojan ame dergkerdene.