Endamê Heyetê Rayberdişî yê TEV-DEM’î  Aldar Xelîlo ke derheqê   pêvînayîşê Amerîka û Tirkîya de  Stêrk  TV’yî rê qisey kerd, vat Îdareyo Xoser do rewşe biercno û goreyê naye qerar bêro girewtene.

Xelîlî  bale ante ke netîceyê xoverdayîşê Hêzê Sûrîyeya Demokratîke (QSD)  wina yew netîce vete werte û va: ‘‘9 rojî yo ke pêkewtişê giranî yenê ciwîyayene û dunya de razînêbîyayîş çend şino zafêr bênê.  Bi komployêk ame waştene ke şorişê şaran bêro çînkerdene. La komplokarî  ewnîyayî ke nêeşkenê ser bikewê. Coka newe ra ameyî têhet û rewşe çim ra ravêrna. Ma sey îdareyî û Îdereyo Xoser zî do rewşe biercno. Nê babetî têna bi pêkerdişê înan nêbenê. Eke tewirê şarê ma  û xoverdayîşê cepheyî çînêbîyêne no netîce nêvejîyayêne werte.‘‘ Xelîlî vist vîrî ke hêrişê hema dewam kenê û vat nika Serêkanîyê de nêweşxane yeno bombavarankerdene.