Endamê Konseya Hemserekîya PYDyî Aldar Xelîlî derheqê Komployê 9ê Teşrîna Verêne, tewirê rejîmê Sûrîye û Mutabeqatê Adana, zîyaretê CPTyî û îşxalê dewleta tirke de cewab da persanê ANFyî.

Qiseykerdişê Aldar Xelîlî ra tay beşê girîngî wina yê:

''Wextê prosesê Komployê Mîyanneteweyî de dewletanê serdestan û dewlerta tirke bi giranî hêrişê şarê kurdî û têgêrayîşî kerd. Înan Şam de Rayber Apo zî kerd hedef. Dima bi gefan înan kerd ke dewleta Sûrîye Rayber Apoyî welatî ra veja. Rayber Apoyî o çax vatbi 'Ez nêwazena semedê mi ra Sûrîye de şer vejîyo.'  Dima Rayber Apo Sûrîye ra vejîya û Komployo Mîyanneetweyî qewimîya. La Komployî ra dima zî meseleyî çareser nêbîyî krîzî hema zî dewam kenê. Sebebê nê krîzan zî esîrkerdişê Rayber Apoyî yo.

Mutabeqatê Adana nê prosesê Komployî de ame kerdene û bi nê mutabeqatî Sûrîye seba îşxalê erdê xo seke destûr da dewleta tirke. Na rewşe zî heta destpêkerdişê krîzê Sûrîye dewam kerd. Dima xora dewleta tirke Bab, Ezaz, Cerablus, Efrîn, Serêkaniyê, Girê Sipî û Îdlîb îşxal kerdî. Nika Tirkîya wazena madeya '10 kîlometre' bivurna. Çunke goreyê mutabeqatî Tirkîya têna eşkena 10 km bikewa zere û dima neçare ya ke abigêra. Dewleta tirke nika seba 30 km û anêgêrayîşî xîret kena. Dewleta tirke seba ke Mutabeqatê Adana newe bikera û hêrişê Îdareyê Xoserî bikera rejîmê Şamî de pêbikera.

CPT nêrazîbîyayîş û çalakîyanê şarê kurdî ra dima neçare mendo ke şoro Îmrali. La narey zî raporê xo yê zîyaretî eşkera nêkerd. Ganî CPTyî rewşa Îmraliyî ser o qisey bikerdêne. Tedaya şarê kurdî kerd ke CPT têbigêro. La a raşte cara tecrîd hetê dezgehanê winasênan ra yeno caardene.

Dewleta tirke seba îşxalê Serêkanîyê û Girê Sipî qestî ra tarîxê komployî 9ê Teşrîna Verêne weçîna. Nê îşxalî ra nata xeylêk kesî waranê xo ra bîyî, şehîd bîyî, birîndar bîyî, tepişîyayî. Ganî hînî îşxalê dewleta tirke biqedê. Dezgeh û hêzê mîyanneteweyî zî mesuldarîya xo nêanê ca. Ganî ma seba qedînayîşê îşxalî xo birêxistin bikerê, pê hêzê xo bawer bikerê. Hetê bînî ra bêvengîya warê mîyanneteweyî 'tesdîqkerdişê îşxalî' eşkera kena.

Dewleta tirke têna çalakîya vera bînaya polîsan a Mersînî de nê pêro serebûtan de verî kurdan û PKKyî sûcdar kena. A raşte dewleta tirke seba ke hêrişanê xo yê vera Rojawanî bikera giranêr gêrena bahaneyan. Vanê çalakîkerê Mersînî Minbicî ra şîyê uca. Ney zî seba îşxalêkê neweyî kenê bahane. Dewleta tirke hêrişê Rojawanî, Zap, Metîna, Avaşînî kena, Silêmanî de Nagîhane Akarsel kişena. Dewleta tirke kena ke pê nê kerdişan krîzê xo yê zereyî şenik bikera la do wina nêbo. Yanî dewleta tirke kena ke çalakîya Mersînî xo rê bikera bahane û newe ra Rojawanî îşxal bikera. 

Dewleta tirke seba ke newe ra DAÎŞî gandar bikera pere, çek, cebilxane ûsn dana ci. DAÎŞ hema zî seba herême tehluke yo. Mesuldarîya têkoşînê vera DAÎŞî têna milê Îdareyê Xoser û QSDyî de ya la ganî hêzê mîyanneteweyî zî hînî mesuldarîya xo bîyarê ca. Hêzanê Rojawanî Til Hemis de dest na cebilxaneyêkê pîlî yê DAÎŞî. No cebilxane bi xo mojneno ke tehlukeyê DAÎŞî çendek pîl o. Coka wa hêzê mîyanneteweyî vera DAÎŞî têbigêrê.''