Îdareyê Xoserî yê Rojawanê Kurdîstanî derheqê hêrişanê Efrîn, Şehba û Helebî de Reqa de eşkerayîyêke daye. Îdareyê Xoserî vat:

''Ma hêrişanê dewleta tirke û cerganê ci şermezar kenê û xoverdayîşê şarê Heleb û Şehba selam kenê.Armancê dewleta tirke îşxalê Rojawan û Sûrîye yo.

Hêrişê vera Hama û Helebî pêro herême tehdît kenê. Nê hêrişî îşxal û çinkerdişê Îdareyê Xoserî û armanc kenê. 

Sey şaranê ereb, kurd, sûryanî û tirkmenan ganî bi yewîya xo ma verê nê hêrişan bigêrê. Cinî û ciwanê ma wa dormeyê QSDyî de bêrê yewca.

Ma seferberîya pêroyîye îlan kenê û venga şaranê ma danê ke amade bibê. Ma venga pêro dezge û sazgehanê xo zî danê ke erkan û mesuldarîyanê xo bêkêmasî bîyarê ca.

Ma venga komelê mîyanneteweyî danê ke nê hêrişan vindarnê, nêbo nê tehlukeyî vilayê dinya bibê û terorîzmê DAÎŞî gandar bikerê.''