Merkezê Çapemenîya Yekîneyên Parastina Gel (YPG) derheqê hêrişê droneyê çekdarî yê dewleta tirke yê vera qezaya Ehdasî ya Helebî de vizêr  eşkerayîye daye û nê vatî:

 “Ewro camê şanî saetê 16.45 de qezaya Ehdasî ya Helebî de dewleta tirke pê teyarayanê keşîfî vera hêzanê ma hêriş kerd. Netîceya hêrişî de  3 şervanê ma şehîd bîyî û 2 şervanê ma zî birîndar bîyî. Ma do peyra derheqê embazanê xo yê şehîdan de eşkerayîye bidê.”

Hêrişê vera Efrîn û Şehba dewam kenê

Hetê bînî ra hêrişê deweleta tirke yê vera Rojawanî dewam kenê. Dewleta tirke ya îşxalkere dewa Bêlûniyê ya Şehba, dewa Şewarqa ya Şera û dewa bênê ya Şêrawaya Efrînî pê doçka û topan dayî bombayan ver. Netîceya bombardumanî de Şewarqa de yegayan de şewat vejîya.

Şehba û Efrîn de têgêrayîşê teyarayanê keşîfî yê dewleta tirke dewam keno.