Merkezê Îrtîbatî û Çapemenîye yê HPGyî 15ê êlule de eşkera kerdbî ke Fermandare Amara Ronahî (Gamze Laçîn) hêrişanê vera Herêmanê Pawitişî yê Medya de şehîd bîya.

Fermandarîya Pêroyî ya YPGyî bi eşkerayîyêke şehîde Amara Ronahî (Gamze Laçîn) yad kerde. Eşkerayîye wina ya:

''Şorişê Rojawanî pê kede, fedakarî û qehremanîye ame destvistene. Wextanê tewr zoran ê hêrişanê îşxalî de çar parçeyanê Kurdîstanî ra bi hezaran ciwanê kurdî herikîyayî Rojawanî, înan bi çêrî vera hêrişan şer kerd û destanî nuştî. Gerîlayan koyan ra xo resna dewan û vera DAÎŞî ê bîyî tirsê şarî. Nê gerîlayan ra yew zî Amara Ronahî bîye.

Embaze Amara 2014 de koyanê Vakurê Kurdîstanî ra verê xo da Kobanê. A bîye şahîda barbarîya DAÎŞî. Aye bi hîsê qesasî tewr vernî de ca girewt û embazanê xo reyde mijdanîya azadîya Kobanê pêro kurdan û dinya rê îlan kerde.

Embaze Amara mîyanê xebatanê Merkezê Îrtîbatî û Çapemenîye yê YPGyî de zî kedê pîlî dayî. Sey embazan Agirî, Eylule, Heqî, Xerîb û Canşêrî embaze Amara zî bîyî vengê şerwananê YPJ û YPGyî. Aye bi hawayêkê objektîfî zorîya şerê Rojawanî û xoverdayîşê şerwanan mojnaye pêro dinya.

A şer de verê hêrişanê serê cinî û domanan de zaf baldar bîye. Aye dej û zulmê vera înan dîyêne û bêteredut vera ney çi hewce bîyêne kerdêne. Embaze Amara rolê çapemenîye de reyna bîye serkêşe û her warî de bi hawayêkê aktîfî cagirewt. A her warê cuye de embazanê xo de bîye. Aye vîrê ma de rêçêka mende verdaye. Merkezê Îrtîbatî û Çapemenîye yê YPGyî de aye ruhê xoverdayîşî yê Kobanê, qehremanîyê embazanê xo û cuya şerwanan kerdî tarîx. Eke ma resayî nê rojan no xêrê embaze Amara û bi desan şehîdanê çapemenîye ra yo.

Nê esasî ser o ma sere de embaze Amara Ronahî û pêro şehîdanê azadîya çapemenîye yad kenê. Ma do bi qelem û objektîfê înan do bibê vengê azadîye.''