Merkezê Îrtîbatî û Çapemenîye yê YPGyî bi eşkerayîyêke da zanayene ke hêzanê înan 4 ajanî tepiştê.

YPGyî îfade kerd ke dewleta tirke ya îşxalkere her firsendî de hêrişê Rojawanî kena û wazena bi rayîrê îstîxbaratî netîce bigêra. YPGyî vat: ''Hêzanê ma tîmêka îstîxbaratî yê 4 kesan (Xeder Mihemed El-Ezzo, Mahmud Mohamed El-Ezzo, Ehmed Husên Cerceb, Eymen Mihemed El-Nasir) seba ke derheqê noqtayanê leşkerîyan û fermandaran de agahîye dayêne dewleta tirke tepiştî.

Na tîme menga teşrîna peyêne de netîceya operasyonê taybetî de hetê Tîmanê Operasyonanê Leşkerîyan û Yewinanê Antî-Terorî ra tepişîyayî. Bi nê operasyonî verê hêrişanê na tîme ame girewtene. Nê kesan îtîraf kerd ke amadekarîya hêrişan kerdêne û agahîyî kom kerdêne.''