Zanîngehê Rojava serra 2016î de dest pê perwerdeyî lerdbi û seba serra newîye ya perwerdeyî amadekarîya xo dewam keno. Zanîngeh de 20 beşî û 210 akademîsyenî estê. Zanîngehî venga akademîsyenanê kurdan û dostanê kurdan da ke wa warê akademîkî de hetkarîye bidê înan.

Hemserekê Zanîngehê Rojava Dr. Ebdullah Mistafe û Berpirsa Buroyê Têkilîyanê Zereyî yê Zanîngehî Gulistane Sîdo ANFyî rê qala amadekarîya serra newîye kerde.

Mistefayî da zanayene ke rîyê vîrusê Korona ra wextêk nînan perwerde înternetî ser o dewam kerd û bi nê hawayî tecrubeyê xo pêşkêş kerdî. Mstefayî sere de akademîsyananê kurdan venga akademîsyenanê pêro dinya da ke xebata perwerdeyê onlineyî de hetkarîya zanîngehî bikerê.

Berpirse Gulîstane Sîdo zî îfade kerd ke înan wextê janî de xeylêk akademîsyenanê dinya reyde têkilîyêke ronaye. Gulîstane vat: ''Ma eşkenê perwerdeyê onlineyî geş bikerê û tecrubeyanê zanîngehan ê bînan ra îstîfade bikerê.''

Gulîstane Sîdo ard ziwan ke 19ê temmuze de ê do seba paştdayîşê akademîkî kampanyayêke bidê dest pêkerdene û vat: ''Ma eşkenê înternet de akademîsyenan redye têkilîye ronê, projeyanê xo pîya bikerê û pîya aver şorê.''