Vervatoxê Rêxistina Heqanê Merdiman ya Efrînî Îbrahîm Şêxoyî pê hesna ke cerganê îşxalkeran dest na zeytunêran û 280 hezar zeytunêrî birnayî, tewr tay 20 hezar zeytunêrî zî vêşnayî.

Verî zî Keyeyê Çimdarîye yê Heqanê Merdiman ê Sûrîye (SOHR) dabi zanayene ke dewleta tirke ya îşxalkere wextê îşxalê Efrînî de û dima ra bi hezaran depoyê ronê zeytunan talan kerdî û ronê zeytunan remnabi.

Tay bazirgananê herême zî pare kerd ke dewleta tirke nêverdena berhemanê Efrînî bazarê Sûrîye de bêrê rotene û nê berhemî bi nameyê Tirkîya teberî ra yenê rotene.

Îbrahîm Şêxoyî ard ziwan ke dewleta tirke bi cerganê xo 70 hezar ton ronê zeytunanê Efrînîrot Ewropa. Rojnameyê Îspanya Publicoyî zanayîşê Şêxoyî kerdî raşt û xeberêka xo de vat ke dewleta tirke ya îşxalkere ronê zeytunan seke ê ci yo roşena.

Şêxoyî îfade kerd ke şîrketa bi nameyê 'Kerîm Kurdî' zî hemkarîya dewleta tirke kena.

Goreyê doneyan Efrîn de îşxalî ra verî 18 mîlyon zeytunêrî estbî la îşxalê dewleta tirke ra dima zafêr darî birîyayî yan zî ameyî vêşnayene. Dewleta tirke dest na zeytunêranê bînan ser û wayîrê daran ra zî xeraç wazena.