Zîrgan de tewr tay 22 çeteyî ameyî kiştene
Dewleta Tirkî ya îşxalkare pîya bi çeteyanê xo hêrişê dewa Zîrganî kerde. Şerwananê QSD’yî cewab da îşxalkaran, tewr tay 22 çeteyî ameyî kiştene.
Dewleta Tirkî ya îşxalkare pîya bi çeteyanê xo bîşewe bi çekanê giranan hêrişê dewa Zîrganî ya Serêkanîyê kerde.
Şerwananê QSD’yî çarçeweya xopawitişî de cewab da îşxalkaran. Pêkewtişan de tewr tay 22 çeteyî ameyî kiştene. Reyna 5 wesayîtê îşxalkaran zî ameyî destfînayene û panzerêk ame derbkerdene. Dewa Haci Cemalî de zî şervanan wesayîtêko zirxin îmha kerd.
