Goreyê eşkerayîya Dayîreyê Faza û Hewakarîye yê Neteweyî yê Amerîka (NASA), asteroîdo ke 650 metre ra heta 1.5 metre hîra yo, nêzdîyê dinya beno.Yeno pawitene ke asteroîdo pîl siba goreyê saeta DYA 21:45 de û goreyê saeta Îngilîstanî 02:45 de 22ê gulane de bikewo dormeyê dinya.

Asteroîd seba ke do bijewo dormeyê dinya, kategorîyê 'Apollo' de yeno namekerdene. No asteroîd reya verêne serra 1997î de amebi  tesbîtkerdene û nameyê ci sey  '136796 (1997 BQ)' amebi dayene.

Labelê çîyo ke pisporan terneno pîlîya asteroîd a. Eşkerayîyanê xo yê verênan de NASA vatbi ke asteroîdê ke qasê kîlometrekare yê, dinya de eşkenê bibê semedê afetanê xoza. Erdlerz, tusunamî û tay serebûtê xoza înan ra yê.

Nê qesawetî semedê tay felaketanê pîlan ra ke tarîx de qewimîyabî, cidî yenê dîyenê. Dînozerê ke 65 mîlyon serrî verê cû weş bî, yeno vatene ke asteroîdêkî ra semed çin bîyî.