Merkezê Çapemenîye yê Hêzanê Sûrîyeya Demokratîke (QSD) eşkerayîye daye û nê vatî:

''Hêzê ma yê Meclîsê Leşkerî yê Minbic û Babî yê ke pabesteyê QSDyî yê  2 rojî yo rojhilat, rojawan û başûrê Minbicî de raştê hêrişanê giranan ê artêşa tirke û çeteyanê ci yenê. Artêşa tirke ya îşxalkere û çeteyê ci di rojî yo vera dewanê Til Eswed, Ceb Mexzûm, El-Hûta, Cebelt El-Hemra û Til Turinî bi droneyanê çekdaran û topan hêriş kenê. Nê hêrişî hetê odayanê hemkaran ê efseranê tirkan û çeteyan ra yenê îdarekerdene.

Nika hêzê ma vera hêrişanê giranan û hîrayan xoverdayîşê girdî kenê. Hêrişî ameyî şiknayene û bi desan çeteyî ameyî kiştene û birîndar bîyî.

Eşkera yo ke nê hêrişê ke asayîşê herême hedef genê û semedê îşxalî yenê kerdene parçeyê planê neweyî yê Tirkîya yê. Tirkîya bi nê planî wazeno herra Sûrîye îşxal bikero.

Ma reyna vanê ke hêzê ma do semedê pawitişê şarî vera heme hêrişan heqê xopawitişê meşrûyî bişuxulnê.''