Wekîla verên a HDPyî ya Amedî Nursele Aydogan weçînitişê 14ê gulane sey weçînitişê îqtîdarê AKP-MHPyî ra xelisyayîşî hesibna û nê vatî:

“Ma sey HDPyî ke paştî danê Partîya Çep a Keske nê weçînitişan zaf muhîm vînenê. Nê weçînitişî eşkenê ameyoxê şaranê Tirkîya bibedilnê, qederê înan bewlî bikerê. 14ê gulane de şarê kurdî û şarê Tirkîya , bindestî, kesê ke kultur û bawerîya ci cîya ya do qerarê xo bidê ke senî wazenê biciwîyê. Wazenê welatê neweyî de yo ke tede demorasî û hevî est o  biciwîyê, ya zî bine faşizm û zulê AKP-MHPyî de?

Ma pê bawer ê ke heme şarê Tirkîya qerarê xo hetê demokrasîyî ra bigêrê. Şarî do wayîrê heq û azadîyanê xo bivejîyê û qerarê xo goreyê nê bidê. Îqtîdar meseleya kurdan goreyê menfeatê xo şuxulneno û rantê nê weno. Şarî do seba ke nê îqtîdarî ra bixelisîyê raya xo bişuxulnê. Coka ma vanê Partîya Çep a Keske. Semedê ameyoxê Tirkîya yew slogana ma ya rinde est a: Teberê Partîya Çep a Keske de yewna rayîr çîn o. Gerek teber û zereyê welatî de her kes semedê ameyoxê xo, raya xo bido Partîya Çep a Keske.”