Îstanbul de Turnuvaya Futbolî ya Kemal Kurkutî yo ke hetê Meclîsê Ciwanan ê HDPyî ra ame organîzekerdene de pankartê  ''Ciwanî do Roboskî ra heta Zaxoyî hesabê qirkerdişan bipersê''  ame akerdene. Polîsan hêrişê ciwanan kerd 11 kesî destbend kerdî.

Ciwanê ke bi derbkerdişî ameyî destbendkerdene bi slogananê xoverdayîşî qîrayî. Kesê ke semedê seyrkerdişê turnava ameyî înan zî vera destbendkerdişan nêrazîbîyayîş mojna. Naye ser o bi seyan polîsan dormeyê îdarekaranê HDPyî girewt. Hemserekê HDPyî yê Îstanbulî Ferhat Encuyî vera polîsan vejîya û vat: ''Şma sûc kenê.''