Dewa Peyindasî ya qezaya Tetwanî ya Bedlîsî de perey mabênê artêşa tirke û Gerîlayanê Azadîye yê Kurdîstanî de pêkewtiş qewimîya. Badê pêkewtişî 15 dewijî ameyî destbendkerdene.

Herêma ke pêkewtişê giranî qewimîyene de saetanê serê sibayî de  Kerem Arvas, Mustafa Tedbirli, Necip Tedbirli, Heybet Çelik, Serkan İpek, Garip İpek, Ekrem Arvas, Ahmet Çelik û hewt dewijê ke hema nameyê înan zelal nêbîyî ameyî destbendkerdene. Nê 15 kesan ra xebere nîna girewtene. Dîya zanayene ke leşkeran Kerem Arvas bi îşkence û tehdîtan destbend kerd.

Merdimanê kesanê ke ameyî destbendkerdene, vat ê nêeşkenê biresê domananê xo û semedê cuya înan qesawet kenê. Îdarekaranê tirkan derheqê kesanê ke destbend kerdî de eşkerayîyêke nêdaye.