5ê nîsane de Amed de 22 cinîyî ameybî destbendkerdene. Semedo ke dosya ser o bira nimite esta derheqê tehqîqatî de agahîyî nêdîyenê.  22 cinîyî 3 rojî yo nezaretê Mudirîya Asayîşî ya Amedî de tepişîyenê

Ame parekerdene ke polîsan vizêr şan cinîyan rê kerdişê xirabî mojnayî. Cinîyan ê destbendkerdeyan ra  yewe nezaret de nêweşe kewte, cinîyan waşt berî abibê la polîsan pê bahaneya pandemî berî anêkerdî.

Cinîyan seba protestoyî da beran ro û polîsanê camêrdan zî cinîyan rê heqaret kerd û gefî wendî. Şefê polîsan cinîyan rê vat: ''Ez do merdimîye bimusna şima, şima do bibê merdim.''  Cinîya nêweşe nêwedarîyaye nêweşxane.

Avûkata cinîyan Ozume Vurgun pare kerd ke derheqê kerdişanê polîsan de înan dozgerîye reyde qisey kerd la muameleyêk nêame kerdene. Avûkate Ozume Vurgun ard ziwan ke ê do gerreyê polîsan bikerê.