DEM Partî, DBP, Kongreya Demokratîke ya Şaran (HDK), Meclîsê Ciwanan, Kooperatîfê Gulane bi wesîleya Roja Haştîye ya Dinya eşkerayîyêka hempare qezaya Beyogluyî ya Îstanbulî de daye. 

Wekîlê DEM Partî Ozgul Sakî, Celal Firat, Hemserekê DEM Partî yê Îstanbulî Murat Kalmaz û xeylêk kesî beşdarê çalakîye bîyî.

Murat Kalmazî çalakîye de xîtabê şarî kerd û vist vîrî ke şarê kurdî vera nê şerê gemarinî xoverdayîşêkê xurtî kenê. Kalmazî vat: ''Îqtîdarê AKP-MHPyî do bin bikewo. Xeta haştîye do ser bikewa ke na haştîye wedarîyayîşê tecrîdê Îmraliyî ra derbaz beno. Wa tecrîd wedarîyo û Birêz Ocalanî de prosesêkê çareserîye yo newe dest pêbikero.''

Parlamenter Celal Firatî vat: ''Cografyaya ma de her roje şer est o. Wa her bifikire ke welatî senî bikerê cayê aramî û haştîye.''

Qiseykerdişanê bînan de zî seba têkoşînê hemparî veng dîya.

Çalakîye bi sloganan qedîyaye.