Îstanbul de seba wedarîyayîşê tecrîdê Îmraliyî û çareserîya meseleya kurdan çalakîya 'Veng Bidê Azadîye' no hewte zî dewam kerd.

Çalakîya bi serkêşîya MATUHAY-DERî de Wekîla DEM Partî ya Îstanbulî Çîçeke Otlu zî amade bîye. 

Çalakîkeran verê Zîndanê Bakirkoyî de pankartî akerdî. Tîya de merdimanê tepişteyan ra Fîncane Akman bale ante ser  ke lajê ci Yakup Akman zîndan de xeylêk zehmetîyan anxeno û rixmê nêweşîyanê ci zî raştê teda yeno.

Çîçeke Otlu vist vîrî ke Rayberê Şarê Kurdî Abdullah Ocalanî ra qasê 4 serrî yo xeberêke nêna girewtene û vat: ''Seba çareserîya meseleya kurdan ganî tecrîd biqedo. Heta tecrîd biqedo têkoşînê ma her ca de do dewam bikero.''

Çalakîye bi çalakîya roniştişî dewam kerd û bi slogan û tîlîlîyan qedîyaye.