Vera tecrîdê giranî yê serê Rayberê Şarê Kurdî Abdullah Ocalanî û hêrişê îşxalî yê dewleta tirke yê vera Kurdîstanî welatanê Ewropa de çalakîyî dewam kenê. No hewte xeylêk bajaran de çalakîye roniştişî ameyî kerdene.

Bajarê Cenevre yê Swîsre de vizêr verê banê Neteweyanê Yewbîyayan de çalakîya ronişitşî ameye kerdene.  Badê mîtîngî dosyayê ke ameyî hazirkerdene xebetkaranê Neteweyanê Yewbîyayeyan rê ameyî teslîmkerdene.

Çalakîya roniştişî ya hîrê rojan a Londonê Îngîlîstanî zî de vizêr verê Serekîya Îngîlîstanî de semedê balantişê serê tecrîdê serê Abdullah Ocalanî bi seyan vilawekî ameyî vilakerdene. Çalakîya ke rixmê şîlî û şepalîyî hîrê rojî dewam kerd vizêr qedîyaye.

Bajarê Frankfurtî yê Almanya de zî çalakîya roniştişî roja diyînî de dewam kerd. Çalakîye de derheqê tecrîdê Îmraliyî û fîkranê Abdullah Ocalanî de zanayîş ame dayene û azadîya ci ameye waştene.

Paytextê Avusturya Viyane de zî tecrîdê serê Abdullah Ocalanî bi çalakîya roniştişî ame protestokerdene.