Qezayanê Peyas, Farqîn û Bismilî yê Amedî de û qezaya Cizîre ya Şirnexî de sebebanê teknîkan ra verweçînayîşê dîyarkerdişê namzetan ê DEM Partî betal bibî. Ewro verweçînayîşî çar qezayan de yenê kerdene.
DEM Partî reya verêne seba dîyarkerdişê namzetanê xo yê şaredarîyan verweçînayîşan kena.
Qezayanê Peyas, Farqîn û Bismilî yê Amedî de û qezaya Cizîre ya Şirnexî de sebebanê teknîkan ra verweçînayîşê dîyarkerdişê namzetan ê DEM Partî betal bibî. Ewro verweçînayîşî çar qezayan de yenê kerdene.
Qezaya Peyasî de raydayîşî Salona Dawetî ya Ayaz Elgance de yenê kerdene. Farqîn de raydayîşî Salona Dawetî ya Gold Parke de û Bismîl de zî Salona Dawetî ya Zalî de yenê kerdene.
Şar eleqeyêkê pîlî mojneno raydayîşî.
Qezaya Cizîre ya Şirnexî de zî ewro Salona Dawetî ya Azîzogluyî de şar do rayanê xo bido. 2 hezar û 433 delegeyî do 13 sindoqan de rayanê xo bidê.
Destpêkerdişê raydayîşî ra ver Endamê Meclîsê Partîye yê DEM Partî Zeyat Ceylanî eşkerayîyêke daye û bale ante tecrîdê vera Rayberê Şarê Kurdî Abdullah Ocalanî ser. Ceylanî vat: ''Ganî ma vera tecrîdî tewirêkê xurtî bimojnê. Muxatabê meseleya kurdan Birêz Ocalan o.''
Wekîla DEM Partî ya Dêrsimî Aytene Kordu zî bale ante tecrîd û grevê vêşanîye yê tepişteyan ser û vat: ''Heta ke tecrîd biqedo, ma têdûşt û azad bibê do têkoşîn bikerê.''
