Şaristananê Erzirom, Mêrdîn, Riha û Semsûrî yê Vakurê Kurdîstanî de sereştişê polîsan de tewr tay 24 kesî ameyî destbendkerdene.

Mêrdîn de qezayê Artuklu de avûkat Bawer Akpinar, Nisêbînî de Çîyan Tanhan û çar kesê bînî û Şemrex, Qoser, Dêrik de zî tewr tay 8 kesî ameyî destbendkerdene.

Qezayanê Qereyazî û Çadî yê Erziromî de Aydin Sefîk, Îsmaîl Işik, Ceuneyt Buyukkaya û Serhat Kaçar bi bahaneya parekerdişanê xo yê medyaya dîjîtale  ameyî destbendkerdene.

Qezaya Serê Kanîyê de bi îdîaya propagandaya rêxistine ciwanî Huseyîn Kilivan, Suleyman Kahraman, Abdullah Rabînduz û Muhammed Bekîroglu ameyî destbendkerdene.

Qezayanê Kolik û Sergolanî de Muhammed Yusuf Avseren, Mehmet Oktulmu, Furkan Orhan û Endamê MYKyî ya Partîya Komunîste Yasîn Yetîşgen ameyî destbendkerdene.