Namzedanê Partîya Çep a Keske yê Amedî ra Sevîlaye Çelenk derheqê xebatanê weçînayîşî de ANFyî rê qisey kerd.  

Çelenke ard ziwan ke xebatanê xo de dîya ke şarê Amedî bi coşêkê pîlî wankerdişê cuye de qerardar o. Çelenke vat: ''Ez bawerîya şarê ma bi zelalî vînena. Ma xîret kenê ke layîqê şarê xo bibê. Şarê ma haştîye û demokrasî wazeno. Rixmê polîtîkayanê xizanî, bindestî û înkarî zî hêvîyê şarî weçînayîşan ra pîl ê.''

Çelenke pare kerd ke weçînayîşê serekkomarîye zaf girîng ê û vat: ''Her kes wazeno nê zulmî wedarno. Serekkomarîya Erdoganî sey hînî nêna qebulkerdene. Şar wazeno peynîya ney bîyaro. Bêguman her kes wazeno ke kesêko ke pê bawer beno bibo serekkomar. Heman wextî de şar wazeno ke partîya Çep a Keske Meclîs de xurtêt bina, teer tay 100 wekîlan vejo. Şarê ma wazeno ke wekîlê cinîyî zî Meclîs de xurtêr bibê. Teyna vurîyayîşê îqtîdarî qim nêkeno. Seba ke îqtîdar bivurîyo, muxalefetêko xurt lazim o.''