Partîya Çep a Keske Qers de bi namzetanê xo Gulistan Kiliç Koçyîgît, Gulcan Alp û Sertaç Çelîkkalelî kewena weçînayîşan.

Namzetê Qersî yê Partîya Çep a Keske Sertaç Çelîkkalelîyî derheqê weçînayîşan de ANFyî rê qisey kerd.

Çelîkkalelîyî ard ziwan ke şarê herême rê koçberîye û xizanîye yenê ferzkerdene û vat: ''Îqtîdar Kurdîstan de sîstemê talanî ano ca. Ma do îqtîdarê AKP-MHPyî 14ê gulane de sindoqan de bin bivisnê. No îqtîdaro ke çareserîya meseleya kurdan asteng keno faşîzmî sey hacetêkê îdareyî şuxilneno. Sere de Qers de her cayê Kurdîstanî de meseleya lêşinîya hewayî, çimeyanê awa zelale mesele yê. Cografyaya ma pê HESan û madenan yena talankerdene.

2019 de îradeyê Qersî AKP-MHP bin kerdbi. Do reyna wina bibo. O çax îradeyê şarî hetê qeyûman ra amebi xespkerdene. Qeyûman Qers de cayêk de rayîrêk nêviraşt û hema gazo tebî nêrard Qersî.''