Namzedanê Partîya Çep a Keske yê Çewlîgî Faruk Aris û Omer Faruk Hulaku, Hemserekê DBPyî yê Çewlîgî Lutfu Aslan, Hemserekê HDPyî Feyzî Şahanogluyî herêma Govdere zîyaret kerde û dewe bi dewe gêrayî. 

Dewijan bi eleqeyêkê pîlî namzedî pêşwazî kerdî. Dewijan namzedan û heyetî reyde govende girewte, domanan pê namzedan kêf kerd û alê Partîya Çep a Keske girewtî xo destan. Zîyaretan de taxanê dewan de broşurî zî ameyî vilakerdene.

Dewijan zîyaretan de vat: ''Ma do heta peynî paştî bidê partîya xo û qetî partîya xo ra fek vera medê.''