Rêxistina DBPyî ya Amedî qezaya Peyasî de Kongreya xo ya 6ine kerde.

Hemsereka Pêroyî ya DBPyî Çîgdeme Kiliçgun Uçar zî tewra kongre bîye.

Hemserekê DBPyî yê Amedî Mehmet Şîrîn Gurbuzî kongre de ard ziwan ke Vengdayîşê Haştîye û Komelê Demokratîkî yê Rayber Apoyî rayîrê înan akerde û azadîya Ocalanî nêzdî ya.

Hemsereka DBPyî ya Amedî Sultane Yaray û Hemşaredarê Amedî Dogan Hatunî zî sehne de beşdarî selam kerdî.

Hemsereka Pêroyî ya DBPyî Çîgdeme Kiliçgun Uçar kongre de qisey kerd û Konferansê Rojawanî yo Neteweyî selam kerd. Çîgdeme vat: ‘’Ganî meseleya kurdan hinî bêra çareserkerdene. Nê prosesî de çîyê girîngî kewenê milê ma ser. Birêz Ocalanî vengdayîşêk kerd la îqtîdar hema zî bêveng o. Şarê Tirkîya, muxalefet û şarê kurdî elnê peynîya na bêvengîye bîyarê. 

Ganî dewlete û îqtîdar verê vengdayîşê Rayber Apoyî de mesuldarîya xo bîyarê ca. Dermanê meseleyanê Tirkîya çareserîya meseleya kurdan a. Çareserîya meseleya kurdan de zî aktoro tarîxî Birêz Ocalan o. Ganî azadîya Birêz Ocalanî bêra caardene. Meseleya hendê tarîxîye de ma qebul nêkenê ke aktorêko tarîxî tecrîdkerde bibo. Ganî Ocalan azad bibo.’’

Kongre de îdareyo newe ame weçînayene. Rûçem Elyakut û Ahmet Dogan bîyî hemserekê DBPyî yê Amedî.

Kongre bi govendan qedîyaye.