Çimeyo ke xo eşkera nêkeno, da zanayene ke goreyê melumatê ke AKPyî ra girewtî, erdlerzî de 150 hezar kesan ra zafêr însanan dinyaya xo bedilnaya. Wezîrê Karanê Zereyî yê Tirkîya Soyluyî telîmat dayo walîyanê herême û vato, ‘xirb û merdîyan pîya hewanê’.
Erdlerzê ke 6ê sibate de Mereş de 8 saetî mîyan de tê dima bîyî, ê wextî ra heta nika şar bi qîrayîş venga hetkarîye dano. La seba ke sazgehê tirkî wezîfeyê xo nêardî bi ca, bi hezaran însanî serdan ver binê xirban de merdî. Hûmara merdîyan ke sazgehê resmîyî eşkera kenê û awanîyî ke rijîyayî û hûmara birîndaran de ferqêko gird est o. Hişê şarî de na perse ca girewta: ‘‘Gelo bîlançoya hûmara rastêne yena nimitene’’
AKP-MHP hûmara rastêne niminenê, hûmare hîna zaf a
Çimeyo ke xo eşkera nêkeno, da zanayene ke bîlançoya hûmara rastêne yeno nimitene. Goreyê melumatê ke AKPyî ra girewtî, erdlerzî de 150 hezar kesan ra zafer însanan dinyaya xo bedilnaya.
Wezîrê Karanê Zereyî yê Tirkîya Soylu: Xirb û merdîyan pîya hewanê
Goreyê ê melumetanê AKPyî ra ameyî girewtene û çimeyêkê nimiteyî ra ameyî vilakerdene; Wezîrê Karanê Zereyî yê Tirkîya Soyluyî telîmat dayo walî û qeymeqamanê herême û vato, ‘xirb û merdîyan pîya hewanê’. Amîranê herême vato, ‘hema binê xirban de însanî est ê ma senî hewanê, heta ke înan nêvejê?’ La reyna zî Soyluyî îsrar kerdo.
