Namzeta Îzmîrî ya Partîya Çep a Keske Burcugule Çubuk derheqê weçînayîşan de ANFyî rê qisey kerd.

Çubuke da zanayene ke 14ê gulane ra pey seba îqtîdarê AKP-MHPyî rijîyayîş do dest pêbikero û vat: ''Dûştê ma de  îtîfaqê AKP-MHPyî yo faşîst, rantgîr, talankerd û qirker est o. Îqtîdaro faşîst şaranê Kurdîstan û Tirkîya rê merg keno ferz. Ma hesabanê înan do pûç bikerê. Nê weçînayîşî seba înan weçînayîşê qederî yê. Coka hende hêriş kenê. Zîndan û gorî pê şarê ma pirr ê. La ma xo ver da. Nika ma vera îqtîdarê faşîstî de nêzdîyê serkewtişê tarîxî yê.''

Burcugule Çubuk da zanayene ke ê do vera sîstemê serdestîya camêrdan hetê cinîyan de yê û hesabê pêro cinîyanê ke ameyê qirkerdene, bipersê. Çubuke vat: ''Îqtîdarê AKP-MHPyî şîdetê vera cinîyan zêdîna, camêrdê kiştoxî pawitî. Hînî cinî û domanî cayêk de xo asayî hîs nêkenê. Ma vera nê îtîfaqê camêrdan yenê têkişt. Ma bi têkoşînê seba Peymana Îstanbulî proses dîyar kerd. Eke ma nê îqtîdarî bin bivisnê îtîfaqê camêrdan zî do bin bikewo. Armancê ma yo esas qedînayîşê na hemkarîya qirkere yo.''