Herêma erdlerzî Semsûr de karê weçînayîşî yê Partîya Çep a Keske dewam kenê. Hemserekê Partîya Çep a Keske yê Semsûrî Azîz Koçakî û Hemserekê DBPyî yê Semsûrî Mehmet Dagî derheqê xebatanê xo yê weçînayîşî de ANFyî rê qisey kerd.

Koçakî vist vîrî ke felaketêko pîl ameyo Semsûrî ser û ard ziwan ke girseyê şaristanî bi giranî polîtîk o. Koçakî vat: ''Ez pê bawer a ke şarê ma wayîrê têkoşînê xo vejîyo. Şarê ma rixmo ke erdlerzî ra koç kerdo ganî nê weçînayîşan de wayîrê îradeyê xo vejîyo. Sey HDP û DBPyî ma prosesê erdlerzî de xebata weçînayîşan kenê. Ma raya şarê xo wazenê. Ma wazenê ke wayîrê  yewbînan vejîyê. Heman aste de ma nêzdîyê pêro bawerî û nasnameyan benê, cîyakerîye rê rayîr nêdanê.'' 

Hemserekê DBPyî yê Semsûrî Dagî vat: ''Ma xebatanê weçînayîşî de vînenê ke nêzdîbîyayîşê şarê ma zaf baş o. Derheqê weçînayîşan de hêvîyê ma zaf ê. Ma do bijerê ke her ca de raya şarî bigêrê. Zaf girîngo ke şaro ke erdlerzî ra koç kerdo, raya xo bido. Şarê ma wa na babete de baldar bibo. Çunke nê weçînayîşî do zaf tesîrê ameyoxê şarê ma bikerê.''