Bîyayîşo yewin

Mumkîn o ke ez cuya xo ya şexsîye û rêxistinkîye sey hîrê dewiran cê ra bikera. Dewiro yewin esasê îdîaya min a awankerdişê komelbîyayîşê xo ser o bi pêkewtişê vera dadîya mi reyde dest pêkerd, bi pêkewtişê min ê vera keye û dewe dewam kerd û bi destpêkerdişê dibistana yewine zî aver şi.

Destpêkerdişê dibistane gama cidîye ya verêne ya seba eleqeyê dewletbîyayîşî yo. Şexsîyet game erzena ke komelê komunalî yê şexsîyî ra vurîyeno beno komelê dewletperwerî. Pê şaristanijbîyayîş dewam keno. Erjê şaristanî erjanê komunalan ê dewe ra pîlêr hesibîyenê. Perwerdeyê dibistana mîyanêne û lîseyî, karmendîye û wendişê heta sinifa peyêne ya zanîngehî seba merdimîya dewlete amadekarîya verêne yê. Nê serran de her kes de şexsîyetê dewlete-şaristanî bi hawayêkê qetî beno serdest. Rewşa apeyvistişî û şarê bindestî vera dewlete vurîyena bena nêrazîbîyayîşêk. Sempatîzanîya çepe aslê xo de têna yena manaya cigêrayîşê dewletêka adîle, têdûşte û averşîyaye. Şexsîyet nê wextan de bi hawayêkê xurtî torranê komelê tradîsyonelî ra yeno qerifnayene. Komelo dewkî yo dadîperwer-komunal û komelê kokî bi hawayêkê zêdêrî ameyî înkarkerdene û herinda ci de şexsîyetêko marjînal vejîya werte ke xo qijkek hesibneno, bawerîya dewlete û şaristanî keno, ver bi nîzamê fermî vazdano. Bi nê hawayî qetlîamêkê şexsîyetî qewimîya.

Bîyayîşo Diyîn

Dewiro diyîn armancê cîyabîyayîşê burjuwazî û awankerdişê sîstemê xo ser o pê ceribnayîşê ronayîşê grûba îdeolojîke dest pêkeno. Komelkîbîyayîşo yewin hêverî nê bingeyî ser o yeno ronayene ke domanî dûayanê dînîyan ezber kenê û şinê dibistana yewine. Komelkîbîyayîşo diyîn zî bineyê wendekaranê zanîngehî û îdeolojîya çepe û neteweperwere ser o yeno ronayene. Her çiqas vera erjanê kapîtalîzmî û şovenîzmê neteweyê serdestî xîretê cigêrayîşê komelê eslîyî estbo zî semedo ke têgêrayîşê çepî û neteweperwerî yê nikayênî nêeşkenê normanê kapîtalîzmî bin bikerê nê xîretî hedefanê xo nêanê ca. No proseso ke ma eşkenê ey sey safhaya PKKbîyayîşî ya yewine name bikerê, aslê do de serranê xedaran ê 1970an de sey pelêk verê vayî kaş beno. Çend ke o dinyaya tradîsyonele ra cîya bi hende zî erjanê eslîyan ê kapîtalîzmî reyde bi yew.

Do bêro waştene ke cigêrayîşanê teworîkan û pratîkan reyde komel û welat newe ra bêrê kifşkerdene. Aslê xo de dinya modaya çepe yena teqîbkerdene. Hînî fikro ke aîdê ma yo beno. Grûba ma zî hetê tewrbîyayîşî ra zêdîyena. Îhtîmalêko pîl o ke armanc do bêro caardene. Utopya hêvî dana ke a do biba raştikên. Paştdayîşê grûbêke do bibo paştdayîşê şarî ke dima bawerî zêdîyena. Hêzê çekan reyde yeno şinasnayene, grûbê gerîlayan ameyî perwerde dayene û çekdarkerdene û bi nê hawayî ame resayene asta tewr berze ya hêzê welatî. Dora ameye hemleya newîye ya tarîxîye.

Beşo yewin ê nê dewirî yê cuya min ê mabênê serranê 1972-1984î zaf hetan ra eşkeno bêro ercnayene. O eşkeno sey hemleya şarê kurdî ya seba şîyarbîyayîşê seserre bêro namekerdene. Serewedaritişo yewin sey serwedaritişê çarenusê cuye zî eşkeno bêro vatene, eşkeno sey qerayîşê namus û rûmetî zî bêro pênasekerdene.

Beşo diyîn ê dewirê diyînî yê cuya mi mabênê tarîxanê 15ê tebaxa 1984î û 15ê sibata 1999î de qewimîya. No prosesê 15 serran sey hemleya diyîne ya PKKyî prosesêko bêhempa yo ke tede têkoşînê çekdarî ser o ame vindertene. Tarîxê Rojhelatê Mîyanênî de maneno grûbanê Hasan Sabbahî, Karmatîyan, Harîcîyan, Bebekî. Belê yewinî de îsevîtîye hîna vernî de ya, beşê diyînî de zî musevîtîye û muhammedîye vernî de yê. Musayî grûba muxacîran resnayêne erdo ke sozê ci ame dayene ke no pê xîretêkê pîlî û hunerî beno. Resnayîşê grûbe maneno çalakîya Musayî, çalakîya şerî zî manena çalakîya Hz. Muhammedî ya Medîne. Bawerî û îmanêko winasen estbî. Sosyalîzmo zanistî hêzê xo yê îmanî vistbi dest û şîyêne.

Şer têgêrayîşêko fîraz o. Şer de merdim sey kesayetêk beno pûç la armanc beno her çi. Heta zaf zor yeno famkerdene ke tarîx reyna pê nêweşîya îqtîdarî kewt. Taybetmendîya tewr eşkera pê vatişê 'çîyo tewr fîraz têgêrayîş o' fedakerdişê her çî yo. Aslê xo de ganî bêro vatene ke 'çîyo tewr fîraz cuye yo' la pê bawerîya 'armanc her çî yo, cuye çîyêk zî nîya' kesayetêko fanatîk vejîyayêne vernî.

Dewirê cuya diyîne giranîye dayêne dewlete la semedo ke hema zî taybetmendîya ci ya tewirê komunalê demokratîkî estbi nakok bi. Pêkewtişê nê nakokîyan do netîce eşkera bikerdêne. Komploya 15ê Sibata 1999î heman wextî de darbêka girane dabi rayraşîyayîşê bi armancê dewletbîyayîşî ro. Eke dewletperwerî û partîperwerîya bi armancê dewletbîyayîşî nêweşîyêk a, o wext darbêka 15ê Sibata 1999î de pêro dewletanê kapîtalîstan dabi mi ro seba bîyayîşê min ê hîreyînî do bibîyêne dermanêk.

Bîyayîşo Hîrêyîn

Dewirê cuya hîrêyîne dewir o ke 15ê sibata 1999î ra heta nika dewam keno. Nê dewirî pê cîyabîyayîşê cuya kapîtalîste ya moderne û dewletbîyayîşî ra dest pêkerd. Ez reyna ver bi cuya koyîye nêvazdena. Xora ez do nêşora 10 hezar serrî verê cû. La qetî yo ke erjê bingeyî yê merdimîye ê serran de nimite yê. Heta ke o dewir sevîyeyê teknîkî û zanistîyî yê nê dewirî reyde nêro yewkerdene xelisyîyayîş û azadîya raştikêne ya merdimîye mumkîn nêbibîyêne.

Dûrkewtişê cuye û medenîyetê bi armancê dewlete nêno manaya apeyşîyayîşî. Eqsê ci no îmkanê resayîşê weşîye yo. Bi nê hawayî komelê nêweşî ra agêrîyeno komelê weşî, komelê şaristanijî ra agêrîyeno komelê ekolojîkî, komelê dewletê otorîterî û totalîterî ra agêrîyeno komelê têdûştî.

Averşîyayîşêko raştikên şaristananê pîlan û otorîteyanê îqtîdarî ra derbaz nêbeno; eqsê ci no çimeyê nêweşîyan o. Ez bawer kena ke cuya cayo ke ekolojî teknîk û zanistî reyde bîyo yew şorişêko raştikên o. Ez bawer kena ke têna rayraşîyayîşêkê ver bi nê esasan biqîmet o.

Ez bawer kena ke mi xeta xo ya îdeolojîke, polîtîke, rêxistinkî û exlaqîye kerde qetî.

Asta îdeolojîya mi rê di rayîran de raywanîye eşkena bêro kerdene

Asta îdeolojîya rê mi di rayîran de raywanîye eşkena bêro kerdene; ya tewrbîyayîşêko pêbawer, samîmî û zerrînizm yan zî tewrbîyayîşo bi xîretê xîşmendîya berze. Sere de Hakî Karer, Kemal Pîr, Mazlûm Dogan, Hayrî Durmuş û Mahsum Korkmaz bi hezaran embazî pê nê her di tarzî zî tewrê PKKyî bîyî. Nê tewrbîyayîşî kerd ke ê heta peynîye bîyî wayîrê tewirê tewr çêrî. La êyê ke bi têna bi hawayêkê samîmîyî û zerrînizmî tewrê PKKyî bîyî yan zî êyê ke esasê xîretanê îdeolojîkan û teorîkan ser o tewrê PKKyî bîyî pê nêeşkîyayî û vîn bîyî şîyî. Zaf zor o ke ma nê kesan reyde heman hîşmendîye ser o bêrê têhet.

Şarî reyde yewbîyayîş ame caardene

Ganî hol bêro zanayene ke mi 7 serrîya xo ra nata tim cuya aktîfe û birêxistine xo rê esas girewte. Xora rexistibîyayîş hewceyê çalakîye yo û çalakîye zî hewceyê rêxistinbîyayîşî ya. Ganî sey babeta diyîne na zî hol bêra famkerdene ke xeta min a polîtîke tewirê demokartîkî yê tabîyî ra ver bi demokratîkbîyayîşê aktîfî û hişmendî aver şîye û şarî reyde yewbîyayîş ame caardene. Rêxistinbîyayîş û aktîfbîyayîş sey yew wezîfe ra wetêr ganî sey yew tewirê cuye bêrê famkerdene.

Tewiro eqlaqî yo raştikêne cuya mûmînvarî ra zêdêr zanayetî û hostatîya cuye yo ke zanistî esas gêna û azadîya polîtîke sey xîretê afernayîşanê neweyan a, mûmînîya hemdeme ya. Her xîretê ê kesanê ke nê hêzê exlaqîyî nêmojnenê hedefê astengan beno. Eslê xo de cuya exlaqîye hêzê tewrbîyayîşî yê pê îrade û hîşmendîya azade yê seba komelê merdiman îfade kena. Erjê raştikênî û pîlî yê PKKyî hetê kesan ra ke wayîrê nê tewirê eqlaxîyî bîyî, ameyî caardene. Raşt a zî êyê ke wazenê xeta PKKyî ser bibê wayîrê cuyêke ganî nê hêzê exlaqîyî bimojnê.

Rayberîya ke ez şexsê xo de temsîl kena têna rayberîyêka neteweyîye nê unîversal a

Welhasil nê pênaseyê rayberîye yo ke ez neçare ya ke şexsê xo de temsîl bikera mojneno ke her kes tewrbîyayîşê xo ser o bifikîro û bikero ke ganî newe ra senî ey reyde bêro yewbîyayene. Rayberîya na xete pêro xoza, dinya, estbîyayîşê merdimîye, raştîya ma ya komelkî û azadîya demokratîke ya şarî verarê xo de kirişnena. Na rayberîye têna rayberîyêka neteweyîye nîya, unîversal a.

No nuştê kitabê bi nameyê ''Pawitişê Şarêkî'' ê Rayberê Şarê Kurdî Abdullah Ocalanî ra ame girewtene.