Komîsyonê Zîndanan ê Komeleya Heqanê Merdiman (ÎHD) derheqê Rayraşîyayîşê Azadîye yê Gemlîkî de eşkerayîyêke daye.

Eşkerayîye de dîya zanayene ke 7ê tebaxa 2019î ra nata destûr nêdîyeno ke Îmrali de Rayberê Şarê Kurdî Abdullah Ocalan û tepişteyê bînî keye û avûkatanê xo bivînê. Eşkerayîye de wina ame vatene:

''Tecrîd û îzolasyon sey metodanê îşkenceyî zîndanan de yenê caardene. Bi taybetî Îmraliyî ra nê kerdişî vilayê zîndananê bînan bîyî. Tecrîd, îşkence û kerdişê xirabî yê Zîndanê Îmraliyî hem heqan binpay kenê hem zî verê çareserîya meseleya kurdan gênê. Mudaxeleyê vera çalakîyanê serê tecrîdî zî eşkera kenê ke tecrîd de israr yeno kerdene. La bi nê mudaxeleyan heqê çalakîkerdişî yê şarî yenê binpaykerdene.

Ma sey pawitoxanê heqanê merdiman veng danê ke wa cade tecrîd bêro wedaritene, tepişteyê Îmraliyî wa bieşkê keye û avûkatanê xo bivînê. Ganî selahîyetdarî û dezgehê dewlete goreyê qanûnan têbigêrê û hûrmetê heqê çalakîkerdişî yê şarî bikerê. Ganî cade kesê ke rayraşîyayîş de ameyê destbendkerdene vera bidîyê û derheqê şîdet û mudaxeleyê hêzanê asayîşî de tehqîqat bêro akerdene.''