Seba ke Heyetê Îdare û Çimdarî tehlîyekerdişê tepişteyan bi hewayêkê sîstematîkî asteng kenê, Komeleya Heqanê Merdiman (ÎHD) xeylêk bajaran de çalakîyê protestoyî kerdî.

Eşkerayîya ÎHDyî ya Anqara ke ame vîrvîstene ke Heyetê Îdare û Çimdarî 6 aşman de yew rewşa tepişteyan erjnenê û nê ameyî vatene: ''Ma sey ÎHDyî tesbît kerd ke 2021î ra nata tehlîkerdişê 313 tepişteyan yew reyî ra zafêr sey 6 û 3 aşman ame astengkerdene. Nê kesan ra tayî hema zî zîndan de yê û  tehlîkerdişê înan yeno astengkerdene. Kesê ke tehlîkerdişê înan ame asntegkerdene, înan ra 88 kesî tepişteyê nêweş ê ke 42ê înan nêweşê giran ê. Nêweşanê giranan ra Hayrettîn Yilmaz ke tehlîkerdişê ci ame astengkerdene çi heyf ke zîndan de rîyê nêweşîyanê xo ra dinyaya xo bedilnaye.''

Wan, Îstanbul, Amed, Êlih, Dêrsim, Colemêrg, Riha, Mersin, Adana, Antalya, Îskenderun û Îzmîr de zî hetê ÎHDyî ra eşkerayîye ameye dayene û  ame waştene ke Heyetê Îdare û Çimdarî yê ke verê tehlîkerdişê tepişteyan genê, wa bêrê qefilnayene.