Serekê ÎHDyî Huseyîn Kuçukbalabanî dîyar kerd ke heyetê ÎHDyî seba ke bieşko Rayber Apoyî bivîno do ancî muracat bikero.

Serekê ÎHDyî Huseyîn Kuçukbalabanî Ajansê Mezopotamya rê qisey kerd û vat: ''Ganî atmosferêko demokratîko ke pêro beşê komelkîyî serê rayîrê haştîye de bibê bêro awankerdene. ganî rayîrê pêvînayîşê bi keye û avûkayan bêro akerdene. Pêvînayîşêk ame kerdene. Dima seba rayaumûmîye eşkerayîye dîyaye la cezaya dîsîplînî zî ameye dayene. Komel hinî nê cezayanê dîsîplînî ra aciz bîyo. Hinî komel û şarê kurdî çîyêkê bînî wazeno. Vilakerdişê haştîye mîyanê komelî de hêvî virazeno. Ganî na hêvî bêra pîlkerdene.''