Serekê Şaredarîya Bajarê Girdî yê Stenbolî Ekrem Îmamogluyî 16 rojan ra dima mazbataya xo girewte. Stratejîya HDP’yî ser kewte û AKP'yî vinî kerd. Demîrtaşî wina vatbi: ''Ma zanê şima bi heskerdişî reya xo CHP’yî nêdanê, la raya şima rayêka stratejîk a.”
Serekê Şaredarîya Bajarê Girdî yê Stenbolî yê CHP’yî Ekrem Îmamogluyî 16 rojan ra dima mazbataya xo girewte.
Serekê Şaredarîya Bajarê Girdî yê Stenbolî yê CHP’yî Ekrem Îmamogluyo ke bi paştdayîşê rayanê Kurdan ser kewto bi rojano rîyê îtîrazanê AKP’yî ra YSK rayan newe ra marana û mazbataya ey ci nêdana. Hûmartişê rayanê Maltepe ra dima ferqê mabênê Îmamogluyî û namzedê AKP’yî Bînali Yildirimî bi 13. Hezar 279 û Îmamoglu şi Heyetê Weçînitişî yê Bajarî ra mazbataya xo girewte. Ekrem Îmamoglu 4 mîlyon 169 hezar 765 Bînalî Yildirimî zî 4 mîlyon 156 hezar 36 rey girewtî.
Weçînitişî ya verê hemsereko verên ê HDP Selahattîn Demîrtaşo ke sey rehîn zîndan de yeno tepiştene, seba ke AKP vînî bikero veng dabi şarê Kurdî û hetanê demokratî ke raya xo bidê Îmamogluyî. Stratejîya HDP’yî ser kewte û AKP Stenbol, Enqere û xeylî bajaranê girdan bînan ê Tirkîya de vînî kerd. Xora Kurdîstan de şarî îradeyê xo ramojna , qeyûmî fetilnayî û heme bajarê gîrdî yê ke ameyîbî xespkerdene peyser girewtî.
