Abdul Azîz Ok 1993 de 'endamîya rêxistine' û 'xerakerdişê yewîya dewlete' ra tepişîyabî û hetê Mehkemeya Asayîşî yê Dewlete ra cezaya muebede dîyabî ci. Ok heta nika zîndananê Amed, Bartin, Kandira, Bolu, Şirnex, Wanî de mendbi û nika zî Zîndanê Patnosî de tepişîyeno.

Abdul Azîz Oko ke 30 serrî yo zîndan de yo, seba ke ferzkerdişê 'poşmanîye' qebul nêkerd înfazê ci qasê 3 serran ame taloqkerdene.

Waka ey Înane Ok pare kerd ke birayê ci 30 serrî yo raştê xeylêk binpaykerdişan mendo û vat: ''Ma tiim zîndanan de pêvînayîşan de zehmetîye ante. Zîndanê Patnosî de werdî ra heta robarkerdişî meseleyê tepişteyan nêqedîyenê. Nêweşî nêwedarîyenê nêweşxaneyî. Birayê mi vera nêdîye. Îdareyê zîndanî ma rê vat ke seba ke birayê mi poşmanîye qebul nêkerda vera nêdîyeno. Ma do vera ney muracatê huqûqî bikerê.''