Hukmatê Îngilîstanî destpêk de waşt ke kesê ke muracatê multecîtîye kenê nînan bişawo Ruanda. Dima ke no plan hetê Mehkemeya Berze ra ame vindarnayene hukmat gêreno rayîrêkê neweyî. 

Narey zî hukmatê Îngilîstanî plan keno ke Girawa Ascensionî de multecîyan cabikero ke na girawe mîyanê okyanusî de ya û aîda Îngilîstanî ya. Nufusê na girawee 900 kesî yo. Verê cû zî Girawa Ascensionî seba cakerdişê multecîyan kewtbî rojdem û Endamê Konseya Girawe Alan Nichollsî no sey 'kabusêkê lojîstîkî' pênase kerdbi.

Goreyê cigêrayîşan girawe de çimeyê awe nufusêkê zêdeyî rê nêvejîyenê û girawe goreyê cuye nîya.

Wezîra Karanê Zereyî Sarahe Dines derheqê babete de radyoyê Timesî rê qisey kerd û pare kerd ke Girawa Ascensionî seba şawitişê multecîyan planê înan Byî bi. 

Hukmatê Îngilîstanî hetê Girawa Ascensionî de panc welatanê Afrika de zî pêvînayîşan keno ke multecîyan bişawo uca. Ame parekerdene ke nê welatî Nijerya, Gana, Namibya, Fas û Nijer ê.

Dinese derheqê persê serê na babete de vat: ''Ma îhtîmalan ercnenê.''