Nobeta ke hewteyo vêrt cinîyanê bajarê Evry yê Fransa de bîye, roja dişeme hetê endamanê Însîyatîfê Cinîyan yê Îngîlîstanî ra Fîdane, Sureyya , Gulîstane, Makbule, Neslîhane û keso bi nameyê Şînasî yena domnayene.

Çalakvanan bi eşkerayîyeka vist vîr ke Serdozgerîya Komare ya Bursa, Hakimîya Înfazî ya 1. ya Bursa derheqê Ocalan û hepsîyê bînî ke Girawa Îmrali de yê, bi qerarêko neweyî dîyayîşê înan bi avûkatanê înan qedexe kerdo û ê no qerarî qebûl nêkenî.

WA CPT WEZÎFEYÊ XO BÎYARO CA

Cinîyan veng da Komîteya Vernîgirewtişê Îşkenceyan (CPT) û dezgeyê selahîyetdarî yê Ewropa û waşt ke wa ê wazîfeyê xo bîyarî ca. Reyna şarê kurdî û peroyê hetanê demokratan ra zî wazîya ke wa vera tecrîdî de bêveng memanî.

Çalakîya Nobete ya Azadîya Ocalanî ke Strasbourgî de yena domnayene, çalakîya tewr derge ya ke kurdistanijî Ewropa de virazenê ya. Çalakîye 25ê hezîrana 2012î de dest pêkerdbî. Çalakîya ke Nobeta Azadîya Nelson Mendelayî xo rê nimune girewta, ferqê ci yo tewr gird zî heta ewro bêmaben yena dewam kerdene.