Serrgêra ronîyayîşê Komara Kurdîstanî de Rojhelatê Kurdîstanî de çalakîyê 'Jin, Jiyan, Azadî' bi hawayêkê girseyî dewam kenê.

Komêka ciwananê Apogîran Serdeşt û Mahabad de bi wesîleya serrgêra ronîyayîşê Komara Mahabadî çalakîyî kerdî û dîyar kerd ke serewedaritişê 'jin, jiyan, azadî' do ser bikewo.

Îran de meydanan de sloganî ameyî vatene û pankartî ameyî berzkerdene. Komêke zî Tehran de hukmatê Reîsîyî şermezar kerd.

Paytextê Fransa Paris de, paytextê Belçîka Bruksel de û şaristanê Glasgowî yê Skoçya de zî îranij û kurdîstanijan çalakîyî kerdî û waşt ke Muxafizê Şorişê sey 'Rêxistina terorî' bêrê pênasekerdene. Şaristanê Torontoyî yê Kanada de bi konvoyan çalakîye ameye kerdene.

Kolektîfê 'jin, jiyan, azadî' pare kerd ke seba paştdayîşê serewedaritişî  28ê çeleyî de paytextê Îngilîstanî London de do rayraşîyayîşêkî bikero. Çalakîye saete 13.00 de verê BBCyî de dest pêbikera û heta 16.00 dewam bikera.