Meclîsê Ciwanan ê Partîya Çep a Keske çarçewa kampanyaya weçînayîşî de gêrayîşê bisîklêtan bi şîarê ''Pedalî bizivirnê, bêrê Partîya Çep a Keske'' kerde. Namzeta Îstanbulî ya Partîya Çep a Keske Dêrsime Dag û xeylêk ciwanî tewrê aktîvîte bîyî.

Wextê gêrayîşî de ciwanan muzîkê weçînayîşî yê Partîya Çep a Keske û deyîrê kurdkî akerdî.

Dêrsime Dag aktîvîte de bi kilmî qisey kerd û dîyar kerd ke ê seba cuyêka ekolojîke nişenê bisîklêtan. Dêrsime Dag vat: ''Vera cuya şaristananê betonkerdeyan û vera xizanîye ma Partîya Çep a Keske de bêrê têhet.''

Gêrayîşê ciwanan Kadikoy de dest pêkerd û Bostanci de qedîya.