Semtê Akasarayî yê qezaya Fatîhî yê Îstanbulî de Hakîm Lokmano (45) ke şaristanê Dihokî yê Başûrê Kurdîstanî ra yo vizêr şewe seba ke kurdkî qisey kerdêne raştê hêrişê 10-12 kesan ame û bi kardî ame qetilkerdene. Dezayê ey Saet Muhsin û Şêx Bîlal zî hêriş de birîndar bîyî. Koma hêrişkere cayê serebûtî ra remaye. Cenazaya Loqmanî wedarîyaye Dezgehê Tipê Edlîyî.

Endama OHDyî Avûkate Bêrîvane Barîn derheqê babete de eşkerayîye daye û pare kerd ke wextê îfadeyî de Muhsin û Bîlal qereqol de  raştê muameleyêka xirabe ameyê û ê do gerreyê erkdaran bikerê.

Hemserekê Pêroyî yê DEM Partî Tuncer Bakirhanî zî hesabê xo yê medyaya dîjîtale de îfade kerd ke bi nê hêrişî estbîyayîş û ziwanê şarê kurdî ameyê hedefkerdene. Bakirhanî vat: ''Rojanê peyênan de karkerê kurdî, ziwan û kulturê kurdan raştê hêrişanê winayênan yenê. Tay kesê beredayî bi maskeyanê kiştoxê MÎTî şinê maçan. Nefret ancî bi sebebê mergê kurdan. Ma îqtîdarî hişyar kenê ke nê qisey û kerdişanê nîjadperestan ra fek vera bidê.''