Îstanbul de Koordînasyonê Erdlerzî yê Hêzanê Kede, Haştîye û Demokrasîyî waşt bi şîarê ''Erdlerz nê pergalê rantê şima mirna. Nika wextê paştîdayîşî yo'' Kadikoy de çalakîye bikero. Polîsan hêriş kerd, xeylêk kesî bi îşkenceyî destbend kerdî.
Koordînasyonê Erdlerzî yê Hêzanê Kede yê Îstanabulî waşt Kadikoy de îqtîdarî protesto bikero ke badê erdlerzî şar mergî rê caverda. Polîsan hêrişê çalakîye kerd ke wekîlê HDPyî Musa Pîroglu û Oya Ersoy zî tewrê ci bîyî. Polîsan tewr tay 110 kesî bi îşkenceyî destbend kerdî.
Polîsan verê çalakîye kuçeyê Kadikoyî girewtê binê ablûqa. Endamanê koordînasyonî ke vera nê caardişanê keyfîyan bi slogana ''Erdlerz nê, no qirkerdiş o'' cewab da, bi îşkenceyê polîsan ameyî destbendkerdene.
Musa Pîrogluyê ke wextê hêrişî polîsan de xîtabê şarî kerd, vat: ''Semsûr de bi hezaran kesanê ke binê rijnayîşî de hetkarî pawitêne, serdî ra merdî. Berpirsîyar qesre de ronişeno û semedê saltanatê xo hazir o ke gonîya ma pêrune birişno.''
Endamanê koordînasyonî rixmê heme astengkerdişan kuçeyanê Kadikoyî de bi sloganê ''hukmat îstîfa'' qîrayî.
