Vera buroyanê weçînayîşî yê Partîya Çep a Keske Îstanbul û Kocaelî de hêrişê nîjadperestî ameyî kerdene.

Taxa Hurrîyetî ya qezaya Bahçelîevlerî ya Îstanbulî de maçê Sariyer Yeni Mahalle-Maltepesporî ra verî terefdaranê Maltepe pa polîsanê taybetan hêrişê buroyê weçînayîşî kerd. Dîya zanayene ke terefdaran pê kortejê 20 wesayîtan verê buroyî de nêngî çinayê û kerdo ke kesê ke buro de yê vejê teberî. Dima nîjadperestan pê bombaya mijî û meşaleyan hêrişê buroyî kerd. Rêxistina partîye ya Bahçelîevlerî ra Hemsereke Fatma Çatar da zanayene ke hêriş plankerde bîyo. Çatare pare kerd ke hêriş û provakasyonê îqtîdarî do pê kurdan nêeşkê. Dima derheqê hêrişkeran de gerre ame kerdene.

Taxa Kazim Karabekîrî ya qezaya Darica ya Kocaelî de zî vera buroyê weçînayîşî hêriş ame kerdene. Netîceya hêrişî de pancerayê buroyî şikîyayî.