Îtîfaqê Demokrasî û Azadîye yê Kurdan o ke weçînayîşanê wekîlîye de paştî dano Partîya Çep a Keske, bi eşkerayîyêke pare kerd ke weçînayîşanê serekkomarîye de do paştî bido Kemal Kiliçdarogluyî.

Eşkerayîye de ame îfadekerdene ke polîtîkayê Erdoganî û îqtîdarê AKP-MHPyî mîyanê komelî de benê sebebê krîzan, şer û alozîye. Eşkerayîye de ame parekerdene ke zaf girîng o ke nê îqtîdarê otorîterî ra bêro xelisnayene.

Eşkerayîye wina dewam kena: ''Seba ke Tirkîya de prosesêko newe yê demokrasî dest pêbikero ma do raya xo bidê namzedê serekkomarîye Kemal Kiliçdarogluyî. Ma tewirê ey ê seba çareserîye meseleya kurdan girîng vînenê. La paştdayîşê ma yê seba Kiliçdarogluyî nêno a mana ke ma paştî danê CHP û Îtîfaqê Miletî. Ma teyna wazenê ke paştî bido ê kesanê ke wazenê meseleya kurdan çareser bikerê. Ma bire daye ke weçînayîşanê wekîlîye de raya xo bidê Partîya Çep a Keske.''