Îzmîr û Mersîn de operasyonanê qirkerdişê sîyasîyî de xeylêk kesî ameyî destbendkerdene.

Îzmîr de serê sibayî serştişê keyeyan de Gokhan Kizil, Reyhane Çomak, Mîkaîl Kalin, Hamdullah Seyhan, Ayşe Ozturk, Savaş Ozer, Berfîne Ozer, Felemez Yildirim, Azîz Yildirim, Îhsan Bakir, Sîbele Aydemîr û Cahît Dogan ameyî destbendkerdene. Destbendkerdeyî ameyî berdene bi Mudirîya Asayîşî ya Îzmîrî. Dîya zanayene ke dosyaya tehqîqatî ser o bira nimitişî est a.

Mersîn de kesê bi nameyê Şahîn Ertem (18) û Dîlane Umît zî tede 7 tenî ameyî destbendkerdene. Destbendkerdeyî ameyî berdene bi Mudirîya Asayîşî ya Mersînî.