Şaristanê Wanî rixmo ke sînorê Rojhelatê Kurdîstanî û Îranî de yo seba ke berê sînorî girewte yê, wareyî şarî rê qedexe yê xizanîye anceno. Serekê verênî yê Odaya Muşawîranê Malî ya Wanî (SMMMO) Îbrahîm Şahînî derheqê babete de ANFyî rê qisey kerd.

Şahînî pare kerd ke rîyê polîtîkayanê AKP-MHPyî ra heywankarîye û zîret şaristan de qedîyayê û vat: ''Goreyê doneyanê TUÎKî Wan şaristano tewr xizan o. Şaristanê Wanî seba heywankarîye û zîretî şaristano tewr mehqul o la polîtîkayanê hukmatî ra şar nêeşkeno berhemanê xo biramo. Seba ke hukmat welatî îdare keno mesuldarê na xizanîye zî o bi xo yo.''

Şahînî dîyar kerd ke xeylêk netîceyê xirabî yê xizanîye Wan de asenê û vat: ''Nînan ra yew zî koçberî ya. Merdimê ke nêeşkenê debara xo bikerê neçare manenê ke koç bikerê. Selahîyetdarî vanê ke xeylêk şaristanan de sermayeyî ameyê dayene. La eke nê şaristanî de sermaye est bîyêne senî xizanîye de asta 81ine de bibîyêne?''