Zîndanê Qefilnayeyî yê Cinîyan ê Şakranî yê Îzmîrî de badê grevê vêşanîye yo ke semedê azadîya Rayberê Şarê Kurdî Abdullah Ocalanî yeno kerdene, zextê vera tepişteyan zêdîyayî.

Tepişteyan ra Kubra Filiz telefon de waya xo Elîfe Filiz rê qala zextan kerd. Filize vat, ''Sereştişê koguşî yê ke aşme de hey ameyêne kerdene nika zafêr yenê kerdene. Cigêrayîşê koguşan de dest nîyeno malzemeyê tepiteyan ser. Zexto psîkolojîk yeno kerdene ke tepişteyî grevî caverdê.''

Elife Filiz qesawetê xo ard ziwan û vat, ''Xora azadîya înan destê înan ra girewta. Qey hende zext kenê? Heqê înan yenê binpaykerdene. Na rewşêka bêedalete ya. Ma zaf qerqilîyenê. Wa zextê serê tepişteyan biqêdîyê, waştişê înan bêrê caardene.''