Roniştoxanê Colemêrgî ANFyî rê qisey kerd û vera zulm, teda û tepişîyayîşî, seba azadîye û yewîya kurdan venga pêro kurdan da ke wa raya xo bidê Partîya Çep a Keske.

Abdullah Akillarî vat: ''Nê weçînayîşî do bibê weçînayîşê yewî û haştîye. Bi destûrê Homayî ma do raya xo bidê Partîya Çep a Keske. Ma do hîrê wekîlîyan zî bigêrê. Ma heqanê xo û haştîye wazenê. Ma nêwazenê ke bimirê yan zî debikewê zîndanî.'' 

Sadî Kurtî vat: ''Ganî her kes vengê xo bido Partîya Çep a Keske. Ma verî hîrê şaredarîyî vistbî destî la qeyûman dest nabi şaredarîyanê ma ser.  Bala zîndanan, Ewropa û yê her kesî nê weçînayîşan de ya. Ma wazenê ke şarê kurdî bi rehetî şoro keyeyê xo û no şer biqedo.'' 

Recep Aktaşî vat: ''Seya şarê kurdî tek waştişê ma haştî û azadîye ya. Îqtîdarî vera ma tedayêka pîle keno. Dewlete şarê ma parçe kerdo, cîyakerîye kena. Estbîyayîşê ma înkar kena û wazena ma çin bikera. Hînî bes o, bi hezaran merdimê ma kişîyayî. Nê weçînayîşan de do her çi bivurîyo. Wa no şer biqedo û her kes azad bibo.''