Krîzo ekonomîk Vakurê Kurdîstanî û Tirkîya de şertanê cuye giranêr keno. Roniştoxanê Colemêrgî ANFyî rê qalê krîzî kerd.

Şakîr Dumanî pare kerd ke ekonomî bi zeman sereraşt nêbena û vat: ''Ez sey esnafêkê qijî bacêkê zêdeyî dana. Hey ke nê welatî de her çi tewş o. Kam yeno wa bêro nêeşkeno na ekonomî sereraşt bikero. Wa êyê ke Anqara de ronişenê bizanê ke hayîya ma bi her çî est a.''

Vedat Aldemîrî vat: ''Ez 2016 ra nata xeba xebitîyayîşî şina rojawanê welatî. Ekonomî rijîyaya; sey ciwanan ma debarkerdiş de zehmetî ancenê. Verê cû kesêk xebitîyayêne û miqatê 10 kesan bîyayêne. Nika 10 kesî zî bixebitê nêeşkenê miqatê kesêkî bibo.''

Fazlettîn Tekînî vat: ''Sînorê ke çimeyê ma yê debare bîyê ameyî qefilnayene. Her ca de qereqolî virazîyayî ney zî tesîrê debara ma kerd. Ciwanî seba xebitîyayîşî şinê şaristananê metropolan. Serekkomar Erdogan û AKP mesuldarê nê krîzî yê.''

Ahmet Yalçinî vat: ''Colemêrg de kesê bêkarî zaf ê. Colemêrg binê tesîrê ekonomî de zaf maneno. Seba ê merdimanê ke meaşê înan çin ê cuye zehmet a. Her roje vayê her çî zêdîyenê û no nênê kontrolkerdene.''