Şaredarê Cenevre: Grevê vêşanîye xoverdayîşêko birûmet o

Şaredarê verênî yê Cenevre Paganî şi serdana çalakîya grevê vêşanîye Mehmet Alî Koçakî yo ke 71 rojî yo Cenevre de vera tecrîdê serê Ocalanî grevê vêşanîye de yo.

Serdayîşê çalakwanê grevê vêşanîye Mehmet Alî Koçakî yo ke 71 rojî yo Cenevre de seba wedaritişê tecrîdê serê Rayberê Şarê Kurdî Abdulah Ocalanî grevê vêşanîye de yo, dewam kenê.

Koçak çalakîya xo ya grevê vêşanîye yê bêdem û bêagêrayîşî Merkezê Cimatê Kurdan ê Demkoratîkî yê Cenevre de dewam keno. Şaredarê verênî yê Cenevre, ke nika zî rayberîya Şaredarîya Cenevre de yo, Remî Paganî û endamê Meclîsê Şaredarîye Gazî Şahîn şîyî serdana Koçakî.

Paganî yo ke derheqê xoverdayîşê Koçakî û rewşa weşîye ya ey de zanayîşî girewtê, da zanayene ke o paştdayîş dano xoverdayîşê grevê vêşanîye û vat, “Têkoşîno ke şima nika danê xoverdayîşêko birûmet o û ma xoverdayîşê şima silam kenê û dana zanayene ke o leyê xoverdayîşê înan  de yo.”

Koçakî serdayoxanê xo rê qalê sebebê çalakîya xo kerd, bale ante serê tecrîdî serê şarê Kurdî yo ke şexsê Ocalanî de yeno kerdene û vat, “Tecrîde serê Ocalanî eynî wext de tecrîdê serê rûmetanê merdimîye yo. Seba naye zî ma vanê ma eşkenê nê tecrîdî paştdayîşî reyde pîya bişiknê. Ma amade yê ke bedelan bidê, çîyo muhîm o yo ke rûmetê merdimîyê bêrê ciwîyayene.”

Hetê bînî ra Koçakî 1'ê Gulane zî pîroz kerd, da zanayene ke ê her ca de xo ver ro danê û do xo ver bidê.