Vîrardişê bajarê Hîldesheîmî yê Almanya hetê FED-DEM’î (Federasyonê  Cimatê Kurdistanijan ê Nîedersachsen, Hamburg û Bremenî) ra ame organîzekerdene. Temsîlkarê Merkezê Cimatê Demokratîkî yê Kurdan (NCDK) yê Hîldesheîmî, Salzgîtter û herêma Hannoverî û Komaw û YJK-E tewrê vîrardişî bîyî.

Hemsereka NCDK’yî ya Hîldesheîmî Hatîce Gonene destpêk de qisey kerd û qiseykerdişî ra dima sînevîzyon ame nawnayene. Hemserekê Komawî Bavê Huseyînî zî vat, “Serekê ma mîyanê çar dêsan de yo, labelê sîstemo newe yo ke ey awan kerdo ma azad kerdê, ma mîyanê tarî ra vetê û resnayî ronşnîye.”

Hemsereka YJK-E Hatîme Yoûsefe zî vat, “Bi serran o bi her tewir hêrişanê qirkerdişî cehd kenê ke şarê Kurdî çin bikerê. Rixmê naye zî ma saya şehîdanê xo estbîyayîşê xo pawenê.”

Parlamentera verêne ya HDP'yî ya Şirnexî Leyla Bîrlîke zî vat, “Şehîdan mîrasêko gird ma ra verda. Înan xeyalê xo ma rê verdayî û ganî ma xeylanê înan ra wayîr vejîyê.”